ZAHRIMAN ALIAS MENULIS.... KISAH ASRAMA TBS TAMPIN LAGI

Sekumpulan Alumni TBS Tampin yang menghadiri REUNI TBSST 2 menjelang ketibaan Ramadhan al-Mubarak di Kedai Kopi Shah Alam, 15 Mei 2012 lalu. Zahriman Alias (No. 5  dari kiri barisan hadapan) telah dilantik sebulat suara sebagai Pengerusi (Presiden) TBSST Protem Committee.

Asrama TBSST Kisah 2

 Ni nak cerito kisah cikgu pulak.....maso Form III-FormIV dulu, cikgu english Literature sei sorang jantan bangso asing. Dio ni lain sikit....kok maso ngajar, dio tak rapat amek ngan budak laki2....tapi kok ngan budak2 pompuan punyolah dio rapat, sampai begesel2....tangan eh pulak menjalar yo kek bahu, kek pinggang budak2 pompuan....tapi yg cantik2 yo lah. Yg burok rupo eh tak pulak dio rapat doh. Haaaa.....satu lagi dio ni, budak2 selalu cakap dio anti- Malay, tapi sei pun tak paham amek maso tu anti Malay macam mano dio tu. Tapi dalam kelas dio ni suko bona burok2an UMNO, burok2an Tunku Abdul Rahman, PM kito maso tu....tapi sei tak berapo ingat butir2 yg dio marah kek Kerajaan ni, sobab maklumlah kito ni kan paham bona hal2 politik ni doh.....Haaa....ado satu lagi tontang cikgu ni, tontang poem yg diajar eh suruh kito hafal......Poem, cikgu suruh hafal, kito hafal lah.....sampai nijam, dah dokek 50 tahun berlalu, sei masih boleh hafal lagi poem tu. Tajuk eh Dungeon Spoil...........bla,bla,bla..

 My hair is grey though not with years,

 Nor grew it white in a single night as men has grown from sudden fears,

 My limbs are bowed though not with toil,

 but rusted with a vile repose.

 We were seven who now are one,

Six in youth and one in age,

Finished as they had begun.....bla,bla,bla.........​...

 Maso tu kito budak2 montah, apo bona yg kito paham.....rupo2 eh, bilo dah bosa, bilo dah kojo, kojo pulak dalam Special Branch.....barulah sei faham....rupo2 poem tu kisah kezaliman orang Islam terhadap orang kristian joman peperangan Crusade dulu.....huuhhh, baru sei perasan.....rupo eh ini kojo cikgu tu, dio ni bukan sajo gatal dengan budak2 pompuan, anti Melalyu, anti-Kerajaan....dio jugak ngaja hal2 anti-Islam kek kito budak2 Melayu........mano dio nijam tak tau lah. Ado donga dio ghonti cikgu poei amik law,.... guno duit Kerajaan jugaklah tu......

Zahriman Alias, 7 Mei 2012